لا للتـ,ـنمر

أنا والدة “حور محمد بدران” في مدرسة المنزلة الرسمية، وكانت فيها لغاية الصف الثاني.

القصة باختصار إن حور اتنقلت لكلاس جديد وكانت طالبة جديدة، وفي أول السنة الدراسية اتعرّ…..ضت لِلتـ.ـنمـّر من زميلاتها في الفصل.
البنات ماكانوش حابين وجودها، وكانوا بيقولولها:
“قومي من جنبنا… ما تقعديش معانا”.

وبعد كده بدأ تطاول لفـ,ـظي وشـ.ـتايم، وبقوا يعايبوا عليها:
“شعرك وحـ.ـش، شكلك وحـ.ـش، ريحـ,ـتك وحـ.ـشة”.
تصرفات كلها دايقت بنتي جدًا.

قدّمت أول شكوى لمدرسة الفصل، وطلبت منها تغيّر مكانها بعيد عن البنات اللي بيديقوها.
فعلاً غيرت مكانها، لكن لما راحت جنب بنات تانيين، 3 أو 4 بنات برضه بدأوا نفس المضايقات…
مش عايزينها في الديسك، ولا عايزينها موجودة أصلاً، وشـتا؟؟؟؟؟يم، وزقّ مستمر.

الموضوع وصل لدرجة إن بنت زقتها مرة، فا حور اشتكت لمدرسة الفصل.
المدرسة وبّخت البنت وقالتلها إن ده سلوك غلط ومايتكررش.

لكن اتفاجئنا إن البنت راحت تفاهمت مع أخوها اللي أكبر منها بسنة، ومع مجموعة من أصحابه، واستنّوا بنتي في حوش المدرسة.
وبعدها نقلنا المنصورة مدرسة تانية، وبعد فترة رجعنا تاني.
ولما رجعنا، نفس البنت وأخوها وصحابه زقّوا بنتي وضَـربوها وهي نازلة البريك تلعب وكسـ…روا أدوات الرسم والتلوين بتاعتها.

أنا اتكلمت كتير على جروب الأمهات، وتواصلت مع ناس كتير:
– فيه بنات فعلاً بطّلوا السلوك ده.
– وفيه أمهات قالوا “حصل خير ومش هيتكرر”.

لكن فيه 3 أو 4 بنات مستمرّين في نفس الأسلوب: شـتايم، زقّ، وضَـرب…
وقدّمت أكتر من شكوى خلال الشهر ونص اللي فات.

نزلت المدرسة واتكلمت مع المديرة والأخصائية الاجتماعية.
وكل اللي اتقال لي:
“مافيش عندنا أي عقاب للمرحلة الابتدائية… الطالب مهما عمل ملوش عقاب، غير إننا نكلم أولياء الأمور”.

لكن أولياء الأمور نفسهم مافيش منهم رد فعل…
فيه اللي بينكر إن فيه حاجة حصلت أصلاً.

الموضوع اتراكم لأنه استمر حوالي شهرين، ومن غير أي تغيير.
وكل يوم بنتي تيجي تقولّي:
“يا ماما بيزقّوني… بيشـتموني… وبيـضَـربوني ، كسـ.ـروا أدوات الرسم بتاعتها لأنها موهوبة وشاطرة في الرسم”.

أخر حاجة وصلنا لها إن نفسية البنت بقت وحـ.ـشه جداً بسبب التـ.ـنمر المستمر ، وكانت عايزه تر…مي نفسها من الشباك لولا مدرسة اسمها دينا لحقتـ,ـها في اخر لحظة