قصة الأستاذ محمد مدير مدرسة والطالب مت شهيدا

الأستاذ محمد مدير مدرسة في إحدى المدارس استلم رسالة من مجهول مكتوب عليها ( مت شهيدا ).. يقول الأستاذ محمد مدير المدرسة : بقيت أسبوعا كاملا لم أخرج من البيت و كلفت حدادا محترفا ليصنع لي بابا حديديا متينا ولم أعد أرد على أي شخص يطرق الباب ، و عندما أخرج اخرج متنكرا في هيئة عجوز .خوفا من القتل و في أحد المرات خرجت للسوق التقيت تلميذا يدرس في المدرسة التي أعمل مديرا بها. قال لي : وينك أستاذ خير لماذا لم ترد على الرسالة ؟ قلت : اي رسالة ؟ لقراءة باقي القصة اضغط على الرقم 2 في السطر التالي قال لي : الرسالة التي كتبتها لك و قلت لك فيها ( متى الشهادة ) ! و منذ ذلك الوقت و الأستاذ محمد يحمل رشاشا و يهدد كل من يخطئ في الإملاء ناريمان صحبتي عروسة جديدة اتجوزت من أسبوع واحد بس واحنا عادتنا ك بنات بنسيب لبعض مساحة في بداية الزواج من باب الأدب والذوق. لكن لقيت ناريمان هي ال بعتالي بعد حوالي أربع أو خمس أيام من فرحها وبتقولي شهيرة. كنت سعيدة جدا أنها بعتتلي علشان اطمن عليها ولاني مفتقداها جدا رغم أن مدة غيابها عني مش كبيرة. رديت من فرحتي قولتلها صباحية مباركة يا عروسة لكنها ردت عليا بشكل وقع قلبي لما قالت عروسة إيه أنا في كا رثة!! كا رثة إيه ال ممكن تحصل لعروسة في أول أسبوع من جوازها مفاتش دقيقة ولقيت ناريمان باعتة صورة ملاية سريرها غرقانة دم وبتقولي بصي..!! دي كارثة.. كمية الد .. م الملطخ على الملاية بيقول أن في جر .. يمة قل حصلت في المكان ده رديت وانا حرفيا صوابع أيدي مفيهاش اعصاب وقولتلها إيه ده. كنت في حالة ذهول وسكوت!! مش قادرة افهم شئ وخايفة وقلبي مقبوض. بقالي فترة كبيرة بشوف كوارث على الانترنت لحالات قل كتير بين الأزواج وحاجة في قمة الرعب. لكن عمري ما تخيلت إني هشوف ده في صحابي!! وخصوصا ناريمان ال قصة حبها هي وعبد العظيم معروفة في الشلة من سنين. فات شوية وقت عقلي فيهم بي نفجر من التفكير ومليون سيناريو جوا دماغي كلهم اسوء من بعض. لتكملة القصة اضغط على الرقم 3 في السطر التالي ردت ناريمان عليا فويسوصوتها مكتوم وحز ين بشكل يقهر وقالت ان.. انا مشمش فاهمة حاجة يا شهيرة من يوم ما دخلت بيتي وكل حاجة مرعبة وغريبة حتى عبد العظيم ال حبيته مش هو ده ال معايا في الشقة دلوقتي. حسيت أن الكلام مش هينفع شات وجريت طلعت رقمها واتصلت عليها أربع مرات ورا بعض بتكنسل عليا! رجعت بعتلها واتس من تاني ناريمان طب ردي عليا خليني أفهم فيكي إيه وايه ال بيحصل. وللأسف قفلت نت ولما اتصلت كانت قفلت تليفونها كمان. خلاص أعصابي مش قادرة اتحمل قلقي عليها واتصلت على وردة اخت ناريمان يمكن عندها معلومات اكتر تطمني بيها. _الو يا وردة أنا شهيرة.. هي ناريمان كويسة ايوا الحمد لله زي الفل. _بس دي كلمتني وصوتها مش كويس انتي متأكدة والله كويسة ياشهيرة دي أختي ثم سيبك من هرموناتها انتي عارفة ناريمان دارمية اوفر يعني الله يكون في عون زيزو معاها. قفلت معاها وانا مش قادرة اشرحلها ال ناريمان قالتهولي ولا الملاية ال شوفتها خوفت افشي سر صحبتي يمكن خفياه عن أهلها. فضلت قاعدة طول اليوم قلقانة والتوتر باين عليا لحد ما جالي اتصال من ناريمان أخيرا. _ناريمان.. انتي كويسة حرام عليكي بموت من القلق عليكي. أنا مش كويسة يا شهيرة عايزة حد جنبي وخايفة. _طب ينفع اجيلك بكرا ياريت.. عبد العظيم خلاص نازل شغله الصبح بدري أول ما ينزل تعالي بسرعة. _حاضر من النجمة هتلاقيني جنبك بس حاولي تهدي ومتقفليش تليفونك تاني. النوم طار من عيوني طول الليل بسبب التفكير في أزمة صحبتي والكارثة ال لسه معرفش تفاصيلها. انتظرت الساعة عشرة الصبح ونزلت روحتلها اتصلت عليها كذا مرة وانا تحت العمارة مردتش عليا. كنت خايفة أطلع الاقي جوزها لسه منزلش واتحرج وده نظرا أنه لا بيطيقني ولا بطيقه عموما من فترة الخطوبة. فضلت واقفة على جنب في الشارع لحد ما لقيت عبد العظيم خارج من العمارة مستعجل وركب المكنة بتاعته ومشي. كنت مركزة معاه من أول ثانية خرج فيها وحسيت بتغيير غريب فيه!! عبد العظيم جسمه اتغير وشكله لتكملة القصة اضغط على الرقم 4 في السطر التالي بقا تخين وعريض أو عموما هو متغير مش عبد العظيم بتاع الخطوبة المسلوع ال كنا بنشوفه. طلعت بسرعة لناريمان ال فتحتلي الباب واتصدمت بمنظرها!! ناريمان زهرة شلتنا وأجمل ما فينا عيونها كلها سواد ووشها أصفر ومسحوب كأنها مريضة. اول ما شوفتها حضنتها وبدأت تبكي بأنهيار وجسمها كله بيترعش. مش قادرة افهم ال فيها لكن حالة ناريمان بتقول أن في كارثة كبيرة.. بعد ما بدأت ناريمان تهدا بدأت تحكي لي بضعف وقالتلي البيت ده وحش يا شهيرة اوي.. عايزة ارجع بيت أهلي أنا كنت غلطانة في اختيار عبد العظيم ده شيطان مش طبيعي. كلامها كله مبهم سألتها أنا لما شوفته وهو خارج من العمارة شكله كان غريب انتي حسيتي ب ده. هزت راسها وقالتلي الحمد لله أنك خدتي بالك علشان تتأكدي أن عبد العظيم اتبدل ومش هو ده الشخص ال حبيته طول الخطوبة.. أنا عايشة مع شيطان يا شهيرة.. مستوعبة كلامي. حاولت اوصلها إني مصدقاها بكل الطرق ولما اطمنت بدأت تحكي تفاصيل اكتر وقالتلي من أول يوم جواز عبد العظيم كان بيضحك كتير.. ضحك هستيري مش طبيعي! خوفني منه وحسيت أنه مجنون أو ملبوس مش عارفة.. بيقعد يغني في الحمام بصوت عالي جدا وبيتأخر كتير يمكن اول يوم قعد ساعتين في الحمام على الحال ده.. عديت اول يوم يمكن بنتأقلم على أسلوب بعض من اول وجديد كمتزوجين وتاني يوم كانت الكارثة يا شهيرة.. خدته ودخلته الاوضة علشان يصدقني بص على الملاية بكل هدوء وقالي ايوا أنا ال فرشتها من شوية. وسابني ودخل للمطبخ تاني ولا كأنه شايف ال أنا شايفاه. صورتها علشان حد يأكدلي اني مبتوهمش وقعدت تلت ليالي رافضة أدخل اوضتنا من تاني وهو بدأ يكون عصبي زيادة عن اللزوم وصوته طول الوقت عالي وعيونه كلها شر. كأنه بيقولي انتي كشفتيني بس أنا هخليكي عايشة زي المجنونة مش عارفة الحقيقة من الوهم. علشان كده بعتلك يا شهيرة ملقتش حد غيرك يفهمني أنا صح ولا غلط. مشكلة ناريمان غريبة عليا! إزاي تتجوز اكتر واحد بتحبه ويكون ده حالها من أول اسبوع معاه. اد الدم وعايز يجننها بالشكل ده كل ال في بالي دلوقتي أن عبد العظيم ملبوس أو أو هو شيطان أصلا. لتكملة القصة اضغط على الرقم 6 في السطر التالي مش معقول شاب يسيب أهله في الأقصر ويجي يعيش في القاهرة ومحدش شاف أهله غير يوم الفرح وبس..! ناريمان اجمل بنت فينا وقعدت فترة شاكين أن ليها جن عا .شق. واول ما اتخطبت لعبد العظيم ده من بعد ما كانت بتكره الرجالة وعدوانية كلنا نصحناها بلاش الشخص ده شكله مش مريح إلا هي.. كانت واقعة في حبه بطريقة مش عادية. وده لوحده كافي يأكدلي ظنوني دلوقتي! عبد العظيم مش إنسان طبيعي. محبتش اصدم ناريمان واخوفها وقولتلها أنا هفضل معاكي هنا لحد ما جوزك يرجع ومش همشي إلا ما اطمن عليكي. قضيت معاها اليوم بساعدها في البيت وبحاول اخليها تنسا ال حصل. وبدأت تستجيب معايا وتاكل ووشها ينور من تاني. الساعة جت سبعة بليل ودق جرس الباب منكرش خوفي وقبضة قلبي وقتها لكن ادعيت الثبات علشان صاحبتي متخافش. قامت ناريمان فتحت الباب ودخل عبد العظيم وشه مقلوب مجرد ما شافني. ولقيته فجأة بيقولي شهيرة صح رديت بأبتسامة مصطنعة اه شهيرة.. الف م… قبل ما اكمل لقيته بيقولي طب يلا اطلعي برا. حسيت بحرج شديد وناريمان برقت وقالتله انت بتقول ايه بيهزر يابنتي. كمل هو كلامه بنفس الحدة وقال لا مبهزرش اطلعي برا بجد يلا إيه دخلك هنا. ماكنتش عارفة أتكلم اقول ايه لكن كل ال عارفاه إني مش هينفع اسيب صاحبتي مع شخص زيه عايز يبعد عنها أي حد يساعدها. رديت بتحدي وقولتله أنا في بيت صاحبتي مش بيتك ولو نزلت هاخدها في أيدي مش هسيبهالك بدأ يضحك بصوت عالي وقالي شوفتي الموضوع يضايق إزاي.. اومال كنتي بتسلطيها عليا ليه ايام الخطوبة أنها تطردني وتقفل كل الابواب وعايزة تخربيلنا الجوازة. اتصدمت أنه شاف المحادثات القديمة ال كانت بينا فعلا أنا كنت بقولها كده وبحاول اقنعها تبعد عنه. لتكملة القصة اضغط على الرقم 7 في السطر التالي لقيته قعد على الكرسي ال قدامي وناريمان جت قعدت جنبي على الكنبة وقالي عموما أنا بهزر.. كنت بردهالك بس.. ها صحبتك قالتلك اسرار البيت ولا لسه. معرفش ليه كنت حاسة أن انا وناريمان في خطر قصاده ويمكن تحصل مصيبة دلوقتي. وعلشان مياخدش باله من ال عايزة اعمله طلبت اني أدخل الحمام.. وقومت دخلت الحمام وبعدين خرجت تاني اتسحب بشويش لحد ما وقفت وراه. ناريمان كانت شايفاني وانا شاورتلها تسكت متتكلمش. كان قاعد بيتكلم معاها بصوت واطي وبيقولها تاني يا ناريمان بتدخلي صحابك بينا مش قولنا المشاكل دي تخصنا احنا بس. كان في أيدي طرحة طويلة رميتها عليه بسرعة وربط جسمه في ضهر الكرسي وبدأت اقول عليه اية الكرسي بصوت عالي في نفس اللحظة هو كان بيحاول يهرب ويفك نفسه وناريمان بدأت تكتفه معايا علشان نسيطر عليه. خلصت شوية آيات قرآنية حفظاها.. وهو بدأ يهدا تماما ميتحركش. وبعد ما خلصنا انا وناريمان بصينا لبعض مش فاهمين هو كده اتعالج وخرج من عليه ولا ده سكوت مع قبل العاصفة. ومجرد ما انتهينا لقيناه بيضحك وبيقولنا انتوا اقسم بالله مجانين وعايزين تتعالجوا. كان واضح أن عبد العظيم واخد الموضوع بهزار وقالنا هو انتوا بتتكلموا بجد ولا ده مقلب من بتاع النت وكده مانا مش فاهم في إيه.. الهانم منكدة عليا أول أسبوع جوازنا وجايبة صحبتها تقرا عليا كمان. حاولت اكشف الموضوع على حقيقته اكتر وطلعت صورة الملاية ال عليها دم وقولتله تقدر تقولي إيه دي رد باستهزاء وقالي دي ملاية. ناريمان صرخت وقالتله والدم ده ايييييه مش شايف. رد وقال دم ايه انتوا مجنانين دي ملاية عليها ورد عادي واللون بهت على بعضه دي جزاتي اني غيرتلك الملاية وبساعدك في البيت يعني . كلام عبد العظيم كان منطقي.. وطلبت من ناريمان تدخل توريني الملاية قالتلي في الغسالة جوا. دخلت اشوف الملاية وسبتهم برا بيتكلموا سوا وفعلا.. لقيت الملاية عليها رسومات بهتانة كلها باللون الاحمر وشكلها زي الد. .م المل،؟.طخ. وانا في المطبخ حسيت أن صوتهم برا بقا اهدا ومش سمعاهم. خرجت وانا بكح وبعمل اي صوت وبقولها ناريمان بقولك . لكني خرجت ملقتش حد فيهم ناريمان وعبد العظيم اختفوا!! هو ده ال كان عايزه عبد العظيم من اول ما شافني كان عايزني اغيب عنها علشان ياخدها ويختفي. وده ال حصل بالفعل. ناريمان متغيبة بقالها أسبوعين ومحدش عارف يوصل لأي معلومة عنها.