ظهور مايكل جاكسون

الجدل زاد مع إعادة تداول الفيديو على أكتر من منصة بشكل سريع وواسع بين الجمهور.

ظهر في الفيديو شخص بملامح وحركات قريبة جدًا من مايكل جاكسون، لكن أكبر سنًا وشعره أبيض، وده خلّى التعليقات تنتشر بشكل كبير بين الانبهار والخوف ونظريات كتير عن هوية الرجل.

فيه ناس قالت إنه مجرد شبيه محترف، وناس تانية رجحت إنه فيديو معمول بتقنيات الذكاء الاصطناعي، خصوصًا مع التطور الكبير في برامج التزييف الرقمي وانتشارها على السوشيال ميديا.

وبحسب تقرير “سكاي نيوز عربية”، محدش متأكد من صحة الفيديو أو تحديد مكان تصويره بشكل واضح، ومافيش مصدر رسمي أكد حقيقته لحد دلوقتي، ومحدش عارف مين صوره أو نشره أو فين المكان أو البلد.

مايكل جاكسون توفي يوم 25 يونيو 2009 عن عمر 50 سنة، بعد تعرضه لسكتة قلبية داخل منزله في لوس أنجلوس، وتم إعلان وفاته في المستشفى بعد نقله مباشرة.

لتكملة التفاصيل اضغط على الرقم 3 في السطر التالي

من يوم ما مايكل جاكسون مات في 2009 ولسه فيه ناس مقتنعة إنه عايش لحد دلوقتي وبيظهر من وقت للتاني.

كل ما يطلع فيديو أو صورة شبهه، النظريات دي بتزيد تاني رغم إن مفيش أي دليل حقيقي يثبت الكلام ده.

تفتكر ده فعلًا AI ولا ممكن مايكل يكون دبّر وفاة وهمية عشان يعيش بعيدًا عن الأضواء، خصوصًا إن كان في مشاكل كتير حواليه؟