رواية كامله بقلم نانسي محمد ج 2
سليم :سبوها ياجماعة براحتها انا عارف نور هى عايزة ايه
لتذهل نور بعيد عن الانظار وتنظر أمامها بدموع :بلاش تبينى ضعفك قدام حد يانور خليكى قوية عشان خاطر زين بس قلبى وجعنى اوى مش قادرة استحمل وجعه هيبقا مع حد غيري ولما يبقا مخنوق هيروح ليها هى مش هيجيلي لما يضحك غمزاته هتبان ليها هى اااه يارب هيحصلى ايه تانى انا تعبت والله تعبت بس واثقة فيك ان عمر ماحاجة هتحصلى هتبقا وحشة كله خير يارب
عمر بضحك شماتة :شايف شكلها بقا عامل ازاى
أسر بخبث:دلوقتى تروح وتكمل تهديد حسسها انها فى خطر والخطر الأكبر على زين
عمر :انت تؤمر يا كبير
ليذهب إليها :ايه يا نونو انتى بتعيطى ولا ايه
نور :انت جيت هنا ازاى
عمر :انا اعرف كل خطوة بتروحيها عيب لما تقوليلي كدة
نور بعصبية :انا عملتلك كل إلى انت عايزه ابعد عن زين ياعمر
زين:تؤتؤتؤ يانونو اهدى على أعصابك شوية هيجرالك ايه تانى اكتر من الى انتى فيه اسمعيني كويس لو فكرتى مجرد تفكير انك تحكى حاجة لزين هيبقا بح مع الأموات انتى فاهمة
نور :مش هقوله حاجة بس ابعد عنه
عمر:شطورة يا حبيبتى احبك وانتى بتسمعى الكلام باي يانونو
بعد فترة نور كانت واقفة ومراسم الخطوبة بتم قدام عيونها وهى بتبص لزين بكسرة ووجع انه عاش حياته عادى بعدها وكانه ماصدق
ميرنا :حبيبي اقلع الدبلة القديمة دى بقا عشان البسك الدبلة بتاعتى
زين بإبتسامة:مش قبل ما البسك شبكتك الأول يا روحى
ليشير لرجل يحمل الخواتم
لتنظر ميرنا اليه بفرحة وتنتظر ان يلبسها خاتم الخطبة لتشعر بشيئ يقيد يدها لتنظر اليه بصدمة :ايه دة يا زين
زين بسخرية :شبكتك ياروحى لينظر للجميع طبعا كلكم متفجائين ب الى بيحصل بس احب أعرض عليكم شريط بسيط
ليعرض على الشاشة الكبيرة عمر وهو يهدد نور فى المستشفى وتسجيل بصوت ميرنا وهى تتفق مع أسر وعمر بنقفل ملكيه زين إليها وصوت تهديد عمر إلى نور ب البعد عن زين والتهديد ب القتل غير انهم بيتاجره فى كل الممنوعات
ليقف زين بثقة:طبعا كلكم شوفته كل الدلائل إلى على عمر وميرنا واسر جمال الدين رجل الأعمال المعروف لينظر إلى ميرنا :مبروك عليكى الكلبشات ياميرو شكلها يجنن وهتبقى منورة اكتر على صور الغلاف بتاعت المجلات وانتى بلبس السجن طبعا انتى وشركائك متخافيش هما سبقوكى وانتى هتحصليهم دلوقتي اتفضل خدها يا حضرة الظابط
ميرنا بصريخ:لااااا مش بعد كل التعب دة يروح على الفاضى على جثتى ابعد عنييي مش هسيبك يازين انت ونور
كل هذا والجميع مصدوم وأكثرهم نور ليذهب إليها ويرجكع أمامها :اوعى تفتكرى فى يوم ان هسيبك ب بالساهل يبقا بتحلمى انا معرفش ابعد عنك يوم واحد انا حاولت اضغط عليكى عشان تقوليلى حاجة بس انتى متكلمتيش ودة إلى جننى اكتر ليه يانور ليه مجتيش وقولتيلي للدرجادى شيفاني قليل
نور ببكاء :والله ابدا انت كبير فى نظرى يا زين طول عمرك بس خوفت عليك لو كنت اتكلمت انا مكنتش هتسكت وهما كانه هيأذوك
زين:تقومى تطلب الطلاق للدرجادى الموضوع سهل بالنسبالك
نور وهى تحضنه:كنت بموت فى اللحظة الف مرة وانا من غيرك انا بحبك يازين وحبى ليك يخليني استحمل اي حاجة قصاد انك تبقا بخير متبعدش عنى تانى وحشنى حضنك اوى يازين
زين :معاكى وعمري ماهستغنى عنك ابدا دة انتى نور قلبى بس طالب منك طلب
نور:قول يا حبيبي
زين :انا عرفت من سليم انك رافضة تمشى على كورس العلاج الطبيعى ليه
نور:مكنش في حاجة احارب عشانها
زين: وانتى من أمتى ضعيفة كدة لازم تمشى من تانى عشان فرحنا إلى قرب دة
نور بدموع :فرحنا
زين وهو يمسح دموعها :ايوة فرحنا اول لما تتحسنى هنعمل فرح العالم كله يتكلم عنه بس انتى قومى بالف سلامة
نور وهى تخرج من احضانة:زين
زين :عيونه
نور :انت جبت منين تسجيل إلى ما بينى وبين عمر مع انى كنت لوحدى
زين :من سليم طبعا
نور وهى تنظر لسليم بصدمة :سليييييم
سليم بضحك :والله العظيم هو الى قالى
نور بعدم استيعاب :ازاى
زين :هقولك بعد ما خرجت من عندك حسيت انك بتقولى كدة وانتى مغصوبة رجعت المستشفى تانى وراجعت الكاميرات ولحسن الحظ انها بصوت سمعت كلام عمر ليكى وانا اصلا من قبل كدة كنت براقب أسر اتفاجأت انه بيقابل ميرنا على طول لما دخلت ناس تبعى وسطهم عرفت انهم عايزين يدمره علاقتنا عشان ميرنا تدخل حياتى واتجوزها اكتبلها كل املاكى وبعدين تهرب لما بدأت افتش وراهم اكتر عرفت انهم بيتاجره فى كل حاجة ممنوعة هما استغله انك ممكن تعملى اي حاجة فى مقابل ان ابقا كويس وعمله كدة فعلا وبعتولك عمر يهددك وانتى عشان بتحبينى سمعتى كلامهم بس إلى متعرفوش ان قلبى بيحس بكل كلمة بتقوليها مقدرش اشوف الضعف فى عيونك واسكت انا مستحيل اسيبك حتى لو فيها موتى عندى اموت فى حضنك ولا اعيش بعيد عنك لحظة واحدة انتى بنتى حبيبتى وامى واختى واختيار ربنا ليا عايزانى اسيبك بكل سهوله مستحيل
نور بدنوع:كنت خايفة عليك وفى نفس الوقت خوفت تبعد عنى وتبقا لغيري
زين بأبتسامة:ازاى بقا وانا لما بتضيق بيا بلاقى حضنك هو الدنيا وكل مافيها حضن واحد بس منك بحس بيه انى فى الجنة ببقا مش مصدق انك معايا وبقيتى على أسمى
سليم بتصفير :ياعم روميو الناس
زين:ملكش دعوة خليك فى حالك واحد ومراته انت ايش حشرك انت
ليذهب اليه يوسف بخجل:متزعلش مني يا زين بس انت عارف نور عندنا غلاوتها عاملة ازاى
زين بأبتسامة :مش زعلان من حد فيكم انتم عملته الصح وانا احترمتكم اكتر وبعدين احنا اخوات
مصطفى :دة العشم يا ابو نسب برضو
زين وهو يضربه بمرح :بقا عمال تقولى سبها واحنا ننسيها انك كنت فى حياتها هااااا انا هوريك يا جزمة
مصطفى بضحك:الله اختى ياجدع وزعلان عليها من حقى
زين :حقك مين ياض ياجحش انت دى مراتى
ملك:يا شباب والله كبرته الموضوع حصل خييير
لينا :شوفى جوزك إلى هيموت دة وهيموتنا كلنا بسبب لسانه
ملك :لا اسم الله على جوزك ياختى
نور :شرشحو كمان يا حبيبي شرشحو
زين :فرح لينا ويوسف خلاص الأسبوع إلى جاي عايزين نلحق نعمل التمارين بتاعتنا عشان نرجع زى الأول
نور بكسوف وحزن:مش لازم اروح انا هبقا اكلمها فيديو
لينا بزعل:اخص عليكى يا نونو عايزة تسبينى فى يوم زى دة مستحيل استغنى عنك ولا ملك احسن منى يعنى
نور بدموع:بس مش هعرف اتحرك براحتى زى زمان هبقا على الكرسى
ملك :وايه يعنى كفاية علينا انك وسطنا ياروح قلبى
سليم:وبعدين زينو مش هسيبك الاسبوع دة ربنا يكون فى عونك
زين:قصدك ايه يا حيوان
سليم:عم الناس انا بقولها دة نعمة لا تقدر
زين بتنهيدة:اسمعى ياروح زين انا ميهنتيش انتى على كرسى او على رجلك انا بحبك بكل عيب فيكى قبل مميزاتك وبعدين الكرسى دة مش هيبقا معانا تانى انا رجع ومش هسيبك غير وانتى زى الفل
نور بتردد:هتعبك معايا
زين بعشق :ياريت تعب الدنيا يكون زى تعبك وبعدين فى بنت تقول لباباها هتعبك دة انت بنتى الأولى
لتمر الايام وزين مش بيسير نور لحظة واحدة وهى بدأت تتحسن كتير وطبعا بسبب حالتها النفسيه إلى بتتحسن وجه يوم فرح لينا ويوسف
نور بدموع فرحة :زى القمر يانور عينى اللهم بارك
لينا :بجد يا نونو شكلى حلو
ملك :هو فى ايه يابنتى دى عاشر مرة تسالينا
نور بضحك :سبيها ما انتى دوختينا يوم فرحك لحد ما سبتلك الاوضة ومشيت
ليضحكه جميعنا على ذكره ذلك اليوم ف جميع لحاظتهم كانت مليئة ب الضحك والسعادة
حور :انا جيييت يا بشر اخوكم ابو جبل هناااا
لينا :حورى وصلت قلب فواز تعالى
حور :يوسف تحت على نار سايبة الشباب تحت عاملين عليه حفلة انما ايه
ملك :بكرة نشوف لهفة زين على نور وهيبقا مكان يوسف لتكمل بغمزة وعلي عليكى ياحوري
حور بكسوف:ياملك بقا انتى عايزة منى ايه
لينا بضحك:هنعوز ايه عايزين نلبس فستان
نور:وانتى منيلة ايه دلوقتي
لينا بفخر :لا اعذرونى فساتين العيلة دى تختلف انا كان هيجرالى حاجة يوم خطوبة نور من كتر الفرحة
نور بضحك :مجانين يلا عشان ننزل ل إلى بيخلل تحت دة ملك انزلى نادى جيمى ياخد بنته العبيطة يسلمها لجوزها
بعد فترة فى القاعة كان زين ماسك ايد نور مسندها ونور ماسكة فيه جامد خايفة تقع
نور:زين انا مساندة عليك جامد خلينا نقعد شوية
زين بخوف:تعبتى ياحبيبتي
نور:لا يا حبيبي انت الى تعبت انا العجاز مساعدنى اقف
زين :عجاز وانا موجود سبيى وتعالى نرقص سلو معاهم
نور ب استغراب :ازاى بس
زين وهو يحملها :كدة
لتشهق نور بكسوف :زين لا الناس
زين :تولع الناس محدش يهمنى غيرك
ينزلها برفق على قدمة ويحيط خصرها ويبدأ ب الرقص معاها بدون تعب او مشاكل فى حياتهم
خلص فرح لينا ويوسف وكلهم اتجمعه قدام البيت لينا وهى تحتضن نور وملك وحور :وجودكم جنبى النهاردة ب الدنيا كلها بحبكم يا عيال
ملك:يابنتى دة واجبنا معاكى مكنش ينفع نسيبك لحظة خلصى بقا شهر العسل بتاعكم دة بسرعة عشان نونو الدور هيبقا عليها
تور:سبيها تاخد وقتها هعمله اول لما ترجع وهسحلك انتى معايا
حور بتذمر :وانا مالى عندك صحابك اهم
لينا بضحك :اختك دى أصيلة اوى اوى يعنى
نور بفخر مضحك: تربيتى
يوسف بمرح :منورين يا بنات والله بس يابخت من زار وخف
ملك بصدمة مصطنعة:انت بتطردنا يا چو
يوسف:اه بطردكم خلى عندك دم انتى بالذات
نور:الواد دة قلبه اسود اوى بيردلك إلى مصطفى عمله يوم فرحكم
مصطفى :دة انت قلبك شايل ومعبى بقا
زين بمرح:اتقل لسة لما الدور يجي عليا هرميكم من البلكونة
حور:انا ماليش دعوة يا جوز اختشى انا خطشيبة اخوك المستقبلية
زين :خطشيبة اخويا و اختشى لا انا هخليه يرجع فى قراره
نور بضحك:قرة عينى لاحظ ان دى اوختشى
زين :الظاهر ان دة وباء فى العيلة
ملك:لا يا جوز اختشى فى الشلة كلها كمان
زين :الله دى احلوت انا هفلت بجلدى قبل ما الموضوع يوصلى
يوسف:ياريت والله وتاخد معاك الباردين دول وتمشو
لينا بأحراج :يوسف عيب كدة
زين:سيبي لي يوم بس يتقل عليا يلا يا شباب عشان البنى عايز يطلع عش الزوجية
ليودعوهم ويذهبو لينا فى شقتها :عجبك كدة يا يوسف احرجتهم
يوسف بمرح:مين الى اتخرج دول عيال جبلة شوية كلنم هيطلعه يقعده معانا
لينا بضحك:والله فكرة
يوسف وهو يقلع جاكيت البدلة :لا فكك منهم كدة وطلع ورقة وقلم وركزى معايا
لينا بضحك مرح :يوسف اعقل يا حبيبي مش كدة
يوسف:تعاليلي يا بطااااا
لتجرى لينا بضحك :عاااااا يابنى انت اتجنيت على الجواز هتوقعنى
يحملها يوسف بغمزة شقاوة وهو يتجه إلى غرفتهم:انتى لسة شوفتى جنان يالينو دة لسة جاي قدام
لتضحك لينا على هذا المجنون
فى شقة نور
منه:يلا ياولاد العشا جاهز
سليم :ياسلام ياسلام ياست ماما كل دة هيبات عندنا
حور:متتدخلش انت يا حريقة لما نشوف لنا تكتب كتابك هتعمل ايه
زين :ودى فيها كلام مش هنشوف وشه اصلا
نور بغمزة :وبالذات لو اسمها بيبدأ بكارما
زين :ايوة بالظبط كدة يا حبيبتى اول حرف فى اسمها كارما
سليم:جرا ايه بقا انتم هتتسله عليا ولا ايه
حور بمرح :متخافيش انا جنبك يا اخويا بس صحيح يا سولي هى كارما هتستحملك ازاى دى بسكوتة خالص
سليم وهو يدير وجهها :طب امشى من وشى انتى كمان
منة بضحك:خلاص ياولاد كفاية عليه كدة يلا عشان تاكلوا ليقضو الليل فى ضحك ومرح ومغزالة زين لنور
فى غرفة نور
زين:انتى اخدة السرير كله انام فين انا دلوقتى
نور :الاوضة واسعة يا حبيبي لو مش عاجبك السرير فى سرير تانى
زين بخبث :لا انا حابب السرير دة اوعى كدة لياخذها فى احضانه
نور بضيق مصطنع :زين انت ماصدقت ولزفت
زين وهو يضمها اكثر :اه انا بنتهز كل فرصة
نور :مستغل اوى
زين بخبث:تحب اوريكى الاستغلال دلوقتى اغزى الشيطان ونامى يا حبيبتى عشان متهورش خلى الايام إلى جاية تعدى على خير لحد ما نعمل الفرح
نور وهى تمثل النوم مثل الأطفال :انا نمت اصلا لتمر الايام وتتعافى نور وترجع بصحة جيدة
زين :نحدد الفرح بقا يا سليم انا هخلل جنبكم
منه :كتر خيرك يابنى المفروض تكون عملت الفرح من زمان بس انت ابن أصول استنيت لحد ما نور تخف
زين:يبقا على بركة الله الفرح يوم الخميس ايه رايكم
سليم:النهاردة الاتنين يا زين هنلخق نخلص كل حاجة
زين :انا مجهز كل حاجة القاعة والفستان مصممه عالمية هتعمله لنور قبل الفرح بيوم البيت مش ناقص غير نور تبقا فيه ماتقول حاجة يا علي ولا انا جايبك متفرج
على :ياعم سبنى بقا مش كافية جايبنى من على السرير ب البيجامة
سليم بضحك :حتى اخوك مفترى عليه يا اخى
نور بنعاس :صباح الخير
زين بأبتسامة جذابة :صباح الجمال ايه القمر دة
نور بأستغراب :زين انت ايه الى جيبك بدرى كدة
منه بنفاذ صبر :هتعيشى طول عمرك جاموسة نقى كلامك ابو تربيتك
نور بتذمر :نفسى افهم انتى ام مين فينا
على بضيق:ياختى اخلصى انتى وهو عايز اروح اتخمد
نور:وانت ايه الى جابك ما كنت تتخمد فى بيتك جاي تنام عندنا
على وهو ينظر لزين :حكم القوى حسبى الله بقا
حور من خلف نور :ايه الدوشة دى
على لزين :هو فى حد بيصحى قمر كدة
زين وهو يلكمه فى بطنه :اتلم اخوها اعد جنبك يا جحش
على بالم :الله هو حلال ليك وحرام ليا
زين بسماجة :اه انا اصلا جوزها اركن بقا عشان مزعلكش
حور :علوش انت هنا
زين بحسرة :شايفة البنات اتعلمى من اختك شوية
نور برفعة شفاه :والله دلوقتى اتعلم دى حلاوة البدايات يا حبيبي شوفهم لما يتخطبه بس هيحصل ايه
على :خليكى فى حالك يا حقنة انتى انا وحورى هنفضل نحب فى بعض
سليم وهو يمسكه من قفاه:ولااااا احترمنى انا متنيلة مرزوع جنبك
زين وهو يمسكه لسليم :انا همسكه وانت اضرب عشان بيقول لمراتى حقنة
نور بتشجيع طفولى :اديله يا زينو هو دة قرة عينى حبيبي
سليم :يلواطية ما انا هضربه معاه
نور بضحك :هشجعك اديله يا سولى
حور :حرام عليكم سيبه علوشى فى حاله
على :اصيله يا ام العيال
منه من خلفها تضربها على قفاها:بس يا نحنوحة احترمينا واحترمى مشاعر الجاموسة إلى جنبك
نور بمرح :مشكرين يا نبع الحنان
ليقضون يومهم فى ضحك ومرح يحسدهم عليهم العالم
لياتى اليوم الموعود يوم زفاف نور وزين كلن الجميع يعمل على قدم وساق فى غرفه نور
نور ببكاء مصطنع :ياعالم انا مش قادرة اسيب السنجلة وامشى سبونى معاها
كارما :يابنتى هتشلينى انتى عروسة جاية يوم الفرح ومش عايز تسيبى السنجلة ارقع بالصوت ياناااس
ملك :طلعتى البنيه عن شعورها هى حمل جنانك دى كمان
حور بمرح :دة انا نفسى اسيب السنجلة اخلص بس من الامتحانات وهحصلك يا غاليه
داليدة بمرح :فينك يا على تسمع حور هانم بتقول ايه
لينا :هتموتى وتتجوزى مش شبه اختك خايبه
نور بتذمر طفولى :انتم جايين تهزقونى هنا ولا ايه طب مش متجوزة هااا
لينقضه عليها الفتيات :اقعدى احنا ما صدقنا خلصنا منك
لينا :زغروطة يابنات لولولولولولوي ليطلقه جميعا ب الزغاريط
ليقاطعهم سليم وهو يطق على الباب بمرح :افتحى ياعروسة انا العريس يا عروسة يا عروسة انا العريس
نور بضحك :افتحوله الفضيحة إلى فاكر نفسه عريس دة
لتفتح له كارما ليطلق صفيره اعجاب:مين القمر ممكن نتعرف انا سنجل على فكرة
كارما بضحك وخجل:معنديش مانع نتعرف ياوسيم
نور :ادخل يا خويا خلصنى وشوف حالك
سليم بدموع فرحة :شوفتك عروسة زى القمر انا عايز اخليكى معايا ومتسبناش وتمشى
نور بدموع وحزن:كان نفسى بابا يبقا معانا فى يوم زى دة وحشنى اوى
حور بدموع:عشان خاطري بلاش عياط النهاردة فرحك وهو معانا دايما
سليم وهو يحتضنها :انا ابوكى واخوكى وسندك يلا بينا يا قلبى
نور بأبتسامة :يلا بينا ياروح قلب اختك
لينزله ليسلمها لزين لينظر لها بعشق خالص ويقبل جبينها مبروك عليا وجودك جنبى وشيلك لاسمى إلى زاد جمال لما شيلتى يا اميرتى
نور بعشق :الله يبارك فيك ياعمرى كله ياعوضى الحلو من ربنا فى الدنيا لنبدأ مراسم الزواج بكل فرحة ليقاطعهم سليم وهو يطلب من نور الرقص معه على هذه الأغنية صوت رنة المفتاح في الباب ساعة اما توصل
ومكالمة نص اليوم لما من غير داعي تسأل
والزعيق من ورا قلبك لما اصالحك وتتقل
وحضنك اللي بنسي قبله ليه كنت بزعل
رأيك اللي كله حكمة صوتك حفظته
كل موقف يوم زعلني وبعدين فهمته
انت اللي انا رافعة راسي من ورا اسمه وسيرته
بنت ابويا واه يا بختي بعمري وياك عشته
بيقولوا لي إني شبهك إني زيك حتة منك روحي روحك واخدة قلبك في المشاعر والكلام
بيقولوا لي اللي شافوكي كتير لاقوكي بنت ابوكي ده في سلامه واهتمامه يا بختي قالوا بنت ابويا يا سلام
ااااااااااااه ااااااااااااااه
لما تقلق وانا اخبي لا تزعل عشاني واما في طريقنا نسافر ونشغل أغانيانت سندي انت ضهري وصاحب عمري كله
لما بشكي لما بحكي من غيرك أروح أقوله
ياللي مهما كبر سني هفضل أعيش في ضله
يا حبيبي يا رب يخلي صوتك العمر كله
بيقولوا لي إني شبهك إني زيك حتة منك روحي روحك واخدة قلبك في المشاعر والكلام
بيقولوا لي اللي شافوكي كتير لاقوكي بنت أبوكي ده في سلامه واهتمامه يا بختي قالوا بنت ابويا يا سلام
ااااااااااااه ااااااااااااااه
كانت نور تبكي فى حضن سليم وهو يبكى معها فهم اشتاقه لوالديهم كان الجميع يبكون عليهم ليذهب اليهم زين ويحتضنهم: كفاية عياط يا نكد انتى وهو النهاردة فرحنا كفاية يلا بقا عشان نروح
نور بمرح:لا نادى البنات عشان هنرقص تعالى يلا ليرقصه جميعا بمرح وفرحة كبيرة
بعد إنتهاء فرح زين ونور كانت نور تحتضن منه وتبكى
سليم:يابنى خد مراتك وروح مافيش فايدة فيها بتحب النكد
زين وهو يضربه على قفاه:مراتى مش نكدية يلااا دى ست البنات
مصطفى :يانحنونح يا منحنح انت
يوسف بتريقة:شوف مين بيتكلم
سليم بضحك:يابنى خد مراتك دول عالم فاضية
زين بشقاوة :طب يا جدعان بقا استأذن انا والمدام نووور يلا يا حبيبتي كفاية نكد ياروحى
نور بشقهة :انا نكدية يا زين طب مافيش جواز ولا فى مرواح انا مروحة مع ماما عاااا نزلنى يازين
زين وهو يحملها مثل شوال البطاطس :احنا هنتكلم كتير ليه خلينا فى الأفعال
ليترك الجميع يضحكون عليهم والشباب يطلقون الصفرات
على :اظن بقا خلاص قربنا نخلص امتحانات يعنى لو سمعت كلمه اصل وفصل والله هقتل قتيل
سليم من خلفه :طب ورينا اخرك كدة
على بتوتر مصطنع :اهلا سولى
سليم مابين أسنانه :متقوليش سولى
على بمرح:حاضر يا ابو نسب
سليم :عايز ايه ياعلى عشان مش مرتاحلك
على برحاء:عايز نكتب الكتاب على طول
يوسف:ايوة بقا
مصطفى :كتر من افرحنا يارب
ملك:طب ي المناسبة الحلوة دى بقا ليكم عندى مفجاءة
لينا:ايه هى
ملك بأبتسامة وهى تنظر لمصطفى:بعد تعب ومعافرة سنين بقيت حامل وهتبقى أجمل بابي فى الدنيا يامصطفى
لتصرخ الفتيات بفرح والشباب يصفرون بحماس
مصطفى ببلاهة :يعنى ايه هبقا بابي يعنى فى بطنك جوة فى بيبي
لينا بضحك :مالك يا تيفا اكيد جوة فى بيبي
حور بضحك:تيفا دماغه اتلحست
على بغيرة من بهمس بحزر:عدى يومك ومتدلعيش حد عايزة تدلعى دلعينى انا
حور :انت بتغير من مصطفى يا علوشى
على :مش راجل يعنى ولا هو رجل كرسى
مصطفى بمزح:سمعتك على فكرة بس هعديهالك عشان حبيبة قلب بابي
ملك بتذمر :اشمعنا بنت وليه ميكونش ولد
مصطفى :ولد او بنت اي حاجة من عند ربنا حلوة بس انا نفسى فى بنت شبهك
لينا بمرح:اتعلم يا چو شايف الرومنسية هييييح
يوسف بمكر:عايزة رومانسية قدمهم معنديش مانع ياقلبى
نسيبهم شوية مع فرحتهم وضحكهم
زين دخل الشقة وهو شايل نور بكل حب :نورتى بيتك يانور قلبى وعمرى كله
نور بصتله بخجل من غير ماترد زين فهم انها مكسوفة وحب يطلعها من المود دة ليتصنع انه التعب:حبيبتى انتى بقيتى كام كيلو
نور بعدم فهم :كام كيلو ايه انا زى ما انا يازين مطخنتش
زين تمثيل :اومال ليه تقلتى كدة حاسس انك هتفطسينى
نور بشقهة:انا هفطسك يازين طب اوعا كدة نزلنى
زين بضحك:اهدى انتى مابتصدقى عايزة تهربي منى
نور بتوتر:اهرب منك ليه اما مش بهرب
زين بحنان:لا تهربي خليكى دايما عارفة انى عمرى ماهضرك ابدا انتى بنتى حبيبتى وامى وعمرى كله
نور بأبتسامة :مش خايفة انا اصلا بحبك كدة كدة
زين بمرح وضحك:وانا بعشقك ولا ياولا
نور :انت رايح فين
زين وهو يركض إلى غرفتهم :فى كلمه سر عايز اقولك عليها بسرعة بس اوعى تقولى لماما لحسن تضربنى
ليملئه البيت ب الضحك ويعلمها فنون العشق بطريقته
فى صباح اليوم التالى عند كارما فى الجامعة
كارما :انا زهقت من المحاضرات عايزة اكل
صاحبة كارما :يابنتى انت كل لما تشوفى وشى تقولى جعانة انتى مفجوعة
كارما :اعمل ايه ماهى الكلية دى بتفرهدنى دلوقتي انا جعانة فكريلى فى اكله حلوة يابنتى روحتى فين
صحبتها بتوهان:ايه القمر إلى جاي علينا دة
كارما بعدم فهم وهى تنظر على ماتنظر له صديقتها :قمر مين
لتتفاجاء بسليم يتجه إليها بزى كليته كانت أول مرة تراه بهذه الملابس
سليم بأبتسامة جذابة :ازيك ياكارما
كارما بلطف:الحمدلله انت عامل ايه
سليم :بقيت احسن لما شوفت القمر قدامى
كارما بأبتسامة خجل :سليم
سليم بحب :قلبه
كارما :انت ايه الى جابك
سليم :نفس دبش نور بالظبط
كارما:سليييبم
سليم:خلاص خلاص هقولك انا ياينى عديت على دكتور عبدالرحمن النهاردة
نور بسرعة:ليه فى ايه هو كويسانت كويس ليكون جرالك حاجة تانى
سليم :ابدا يابنتى انا عديت عليه عشان اطلب ايدك قولت اه عيلة هبلة واكسب فى تربيتها ثواب يابنتى انت روحتى فين
كارما ببلاهة:عملت ايه
سليم :طلبت ايدك من الحج ابوكى قولتله والله يادكتور بنتك هبلة ومحتاجة إلى يراعيها وانت الله يكون فى عونك مسحول فى شغلك ف انا هراعيها عنك وهو كانه ماصدق قالى متغلاش عليك ياسليم يابنى فااااا بس هنكتب الكتاب مع على وحور شوفت الدنيا
كارما :اه طب انا جعانة
سليم:نعم ياختى مالك
صاحبة كارما بضحك :لا متخافش هى كدة هتتعود عليها
كارما بطفولة:ايه جعانة عايزة اعرف اركز وافكر الله
سليم بمشاكسة :الله لا فكرى براحتك انا عارف من الاول انك طمعانة فى العشين جنيه الى معايا بس ماشى لما اشوف اخرتها قدامى يلا يا آخرة صبرى اه صح نسيت اقولك حاجة
كارما :نسيت ايه
سليم بهمس :بحبك
لتذهب كارما بضحك هى وسليم
عند نور وزين
نور صحت قبل زين لقت زين نايم وشعره منعكش شبة الأطفال بصتله بحب وخجل وقامت اخدت شاور وجهزت الفطار وراحت تصحى زين :زين يازين اصحى يلا
زين :يابنتى سبينى انام شوية
نور:قوم يلا احنا قربنا على العصر مش من اولها كسل كدة
ليشدها زين فجاءةوهو ينظر لها بمكر :والله مش كسل دة انا نشيط اوى اوى حتى شوفى ليبدأ بتقبيلها ويعلمها طرق العشق والحب
بعد مرور ٨سنوات
كان الفتيات مجتمعين فى منزل نور
حور بصوت عالى :مهرة تعالى هنا ياكارما ما تشوفى ابنك إلى مخلى بنتى لزقة في شبة المهزءة كدة
كارما بضحك:اعمل ايه ابنى حبيبي عنده كاريزما مدوخ البنات كلها صح يا سفيان
حور :انت تموتينى منقوطة انتى كمان علي لو شافهم تانى هيعلقنا على باب البيت بمسمار عشرة
نور بضحك :اهدى انتى بس يا حورى دول عيال مع بعض لياتى ابنها مراد: مامى مامى
نور :نعم يا حبيبي
مراد :انا اتجوزت جوري بنت طنط لينا
نور وهى تجرى ورا ب الشبشب :ياجزمة انت عملت ايه
لينا بصدمة :وانتى اتجوزتى عادى كدة من اي اعتراض
جوري بطفولة:لا يامامى دة مراد حلو خالث انا بحبه وهتجوزه
لينا :يافضحتك يا لينا انا خلاص معرفتش اربى عيالى خلاص بقيت ام مهزءة
ملك بمرح:طول عمرك يا حبيتى مش جديد عليكى حتى بصى إلياس حبيبي اخد مرام بنت كارما فى حضنه ازاى
كارما قامت من مكانها وهى بتجرى:ولااا الياس سيب بنتى بدل ما ابوها يجى يعلقك من رجلك
نور :هى روتيلا فين يابنات
حور :تلاقيها مع عدي ابن ملك بيدلع فيها ما احنا خلاص معرفناش نربي خليهم بقا مع بعض اهو إلى نعرفه احسن من الى متعرفهوش
ليقدوها الفتيات بمرح:على رأيك اهو نشوف اخرتها مع الشباب ليضحكه جميعا على طفولتهم ومشاغبتهم حتى بعد هذه السنوات عليهم
عند الشباب فى مكتب زين
مصطفى :يا شباب اباعدة الناشف دى مانجيب حاجة تطريها
يوسف بضحك:توبنا إلى الله يابنى انت عايز نور تموتينى المرة دى
زين بضحك :اخيييي على الرجالة اخيييي
سليم بمرح:ايه يا ابو نسب عايز تلعب بديلك
زين بمرح:احم لا انا بحب مراتى
على بمرح:وانا كمان بحب مراتى دى هروماتها بايظة عايزة دماغ لوحدها
مصطفى: انت الى هتنصفنى يا سليم مافيش غيرك
سليم:لا والله متلاقيش دى شغالة فى المخابرات بدالى يعنى لو فكرت العب بديلى كدة ولا كدة هتقتلنى لا ياعم انا بحب مراتى انا كمان
لينظر لهم مصطفى:هى جت عليا انا كمان بحب مراتى على فكرة
يضحكون جميعا وهم يتذكرون ذكرياتهم مع بعضهم لتبقا قلوبهم صافية لا يوجد كرهه او حقد ف جميعهم يخلصون لبعض ويحبون بعض حب أخوي
#تمت
