طفل وضع الشيطان في جيبه

بمناسبة الفيديو اللي كلنا شوفنا فيه سلوك عدواني من طفل صغير، يعني مشروع عنف كبير بيزق طفل أصغر منه قدام عربية كارو. فأنا النهارده بقى راجعة من برا الساعة 4 العصر كده، لقيت عيل عنده 9 سنين تقريبًا ماسك أخته اللي أصغر منه بسنتين وبيضربها بقسوة، وبعدين قام سايبها وماشي كام متر كده، فالبنت من وجعها وقهرها قالت له كلمة، فالواد بقى بكل عنترية وجعرنة قالها بصوت جهوري:

— إنتي قد الكلمة دي؟!

البنت وهي مفحومة بالعياط قالت له:

— آه قدها.

عنتر زمانه بقى يقوم قايل لها:

— والله لأقتلك.

البنت دخلت في نوبة هلع وهيستيريا وفضلت تصرخ وتقوله:

— تعالى اقتلني.. تعالى اقتلني.

حاولت أهدي في البنت لكنها كانت في حالة انهيار وصراخ، أخدتها حضنتها ففضلت ترتعش في حضني وهي لسه بتعيط، عشان يجي المحروس عايز يشدها من إيدي ويكمل فيها ضرب. كنت هموت وأديله ستين قلم على وشه بس مسكت نفسي بالعافية لحد ما جت أمه وأخدت البنت مني وفضلت تشتم فيه وتقوله:

— والله لقايله لأبوك لما يجي.

يقولها بقى بكل عنجهية:

— ما تقوليله.

أهم دول بقى سفاحين المستقبل اللي هتطلع تقتل أختها وتلاقي اللي يسقف لها، وكمان تقتل أي حد تقابله في طريقها وتلاقي اللي يبرر لها ويقولوا ده مريض نفسي.

اللهم يا بارئ البريات، وغافر الخطيات، وعالم الخفيات، المطلع على الضمائر والنيات، يا من أحاط بكل شيء علمًا، ووسع كل شيء رحمة، وقهر كل مخلوق عزة وحكمًا، اغفر لي ذنوبي، واستر عيوبي، وتجاوز عن سيئاتي إنك أنت الغفور الرحيم.

اللهم يا سميع الدعوات، يا مقيل العثرات، يا قاضي الحاجات، يا كاشف الكربات، يا رفيع الدرجات، ويا غافر الزلات، اغفر للمسلمين والمسلمات، والمؤمنين والمؤمنات، إنك سميع قريب مجيب الدعوات.

اللهم إني أسألك باسمك الأعظم، الذي إذا دُعيت به أجبت، وإذا سُئلت به أعطيت، أسألك بأني أشهد أنك أنت الله لا إله إلا أنت، الأحد الصمد، الذي لم يلد، ولم يولد، ولم يكن له كفوًا أحد؛ أن تغفر لي ذنوبي، إنك أنت الغفور الرحيم.

اللهم إنك عفو كريم تحب العفو فاعف عني.

اللهم رب اغفر لي ولوالدي ولمن دخل بيتي مؤمنًا وللمؤمنين والمؤمنات.